mahir-kaynak-:-ki-dibeje-pkk-ye

Li gor nûçeya Ajansa Nûçeyan a Firatê (ANF), li Şemzînan leşkerekî ji Samsunê yê bi navê Isa Keskin pê li mayînê kir û jiyana xwe ji dest da. Do jî li herêmê leşkerekî pê li mayinê kiribû û hatibû kuştin.

Teqîn, hate rojeva bernameya nirxandinên siyasî ya TRT 2, kanala televizyonê ya dewletê. 

Xebatkarê kevin ê MIT'ê Mahir Kaynak, di kanala dewletê ya TRT 2 de beşdarî bernameya nirxandinên siyasî bû. Mahir Kaynak li ser gotina "dîsa li Şemzînan mayin teqiya, leşker mirin", got "kî dibêje ew mayinên PKK'ê ne?"

Xebatkarê kevin ê MIT'ê Mahir Kaynak, qebûl nekir ku mayinên vê heftiyê li Şemzînan deqiyan ê HPG'ê bin. Mahir Kaynak, li ser gotina "li Şemzînan dîsa mayîn teqiyan, leşker mirin", got "kî dibêje ew mayînên PKK'ê ne?" Kaynak, li dijî wê yekê derket û got:

"Li Tirkiyeyê, li ku teqînek çêbibe, her kes dibêje 'PKK'. Ev ne rast e. Li vî welatî tenê PKK tiştên wisa nake. Kî dibêje mayînên Şemzînan ê PKK'ê ne?"

Li ser vê yekê beşdarên bernameyê bi gotina "Çi bibe, hûn dibêjin komplo ye, wisa nabe." Mahir Kaynak li ser vê gotinê bersiv da û got: "Qey komplo li vî welatî çênabin ?"

Amîda Kurd