kustina-ermeniyan-dixin-stu-ke-?

Tirkiyeyê heta do jî înkar dikir ku li ser rûyê cîhanê kurd hene. Lê binihêrin îro ji ensîklopediyên cîhanê çavkaniyan derdixe ku kurdan tevkujiya ermeniyan pêk aniye. Ensîklopediyek ku di 1926'an de hatiye çapkirin, heta do ji bo îspatkirina hebûna kurdan bênirx bû, lê îro binihêrin ji bo çi bû serkanî û çavkanî.

Nivîsa bi sernivîsa "Pirsgirêka Ermenî" ya V.Gurko-Kryajin ku di sala 1926'an de, di Ensîklopediya Mezin a Sovyetê de hatiye çapkirin, balê dikişîne ser pirsgirêkên navbera kurd û ermeniyan, ên salên 19800'î.

V.Gurko-Kryajin, di gotara xwe de tîne ziman ku çawa burjuvaziya ermenî li Enetoliyê pêşve çûye û çawa ji aliyê hêzên derve ve hatiye bikaranîn. V.Gurko-Kryajin balê dikişîne zer xizanî û feqîriya ermeniyên cotkar ên Kurdistanê jî. Lê V.Gurko-Kryajin, dibêje ku dewleta Osmanî ji bo ji feodalên kurdan sûdê wergire, li dijî ermeniyên cotkar destek daye axayên kurdan.

V.Gurko-Kryajin, di dûmahîka gotara xwe de tîne ziman ku kurdan gelek ermenî kuştiye û kurdan tevkujî daye destpêkirin. Li gor V.Gurko-Kryajin, 300 hezar ermenî hatin kuştin, V.Gurko-Kryajin hezar li ser riyên Mezopotamyayê mirin, 400 hezar bûn misliman û 200 hezar jî gihaştin Sovyetê.

Dewleta tirk, ku êdî dibîne dê rojekê tevkujiya ermeniyan ji aliyê cîhanê ve were qebûlkirin, ji niha ve ketiye pişt çavkaniyên bi vî rengî, ku kuştina ermeniyan têxe stuyê kurdan û mijarê wekî "şerekî navxweyî yê hindikahiyan ê bê kontrol" nîşan bide.

Helbet dê kurd jî çavkaniyên xwe daynin holê, lê heta ku ev cîhan cîhana hêzdaran be, bayê felekê her li kurdan dixe.

Amîda Kurd