rizoye-ose-koca-xwe-ya-dawi-kir

Nivîskarê kurd û kurdî Rezo Osê ku di sala 1950'î de li gundê Desûrî /Cizîrê hatibû dinê, di 4'ê adara 2010'an de koça xwe ya dawî kir. Rezo Osê, di demek ku hevalên wî yên nivîskar li Amedê amadehiya xwe dikirin ji bo serdana wî bikin, çû ser dilovaniya xwe.

Rezo Osê li pey xwe gelek pirtûk hiştin, ku hinek ji wan ji çîrokên zarokan pêk tên û dê têra xwe wî bikin hezkiriyê zarokên kurd.

Rezo Osê, an jî bi navê xwe yê nasnameya Sûriyeyê Ebdulrezaqê Eliyê Îsayê Osê, ev demek e ku nexweş bû.

Em li ser navê Amîda Kurd û hemû nivîskarên Amîda Kurd sersaxiyê ji malbata nivîskar Rezo Osê re dixwazin û hêvidar in sebra wan derya be.

Amîda Kurd