niviskaren-kurd-belciqa-sermezar-kirin

Navenda Komeleya Nivîskarên Kurd li Amedê daxuyaniyek der barê operasyona polîsên belçîqî de weşand. Di daxwiyaniya komeleyê de serdegirtina polîsên Belçîqa hate şermezarkirin.

Daxuyaniya nivîskarên kurd a nivîskî îro li çapemeniyê hate belavkirin. Di daxwiyaniyê de hate gotin ku Roj Tv di encama têkoşîneke dûdirêj de hatiye avakirin, ew deng, guh û zimanê gelê kurd e.

Nivîskarên kurd operasyona Belçîqayê wekî standina zimanê kurdan bi nav kir. Her wisa li ser taybetiya Roj Tv hate rawestandin ku weşana xwe bi asûrî-suryanî û ermenî jî dike. Nivîskaran operasyon wekî durûtiya ewropiyan bi nav kir.

Operasyona Belçîqayê wekî karekî ji dervê yasayan hate binavkirin û daxwaz ji hikûmeta Belçîqayê hate kirin ku di demildest de lêborîna xwe ji kurd, ermenî, asûrî, keldanî û hindikahiyên Kurdistanê bixwaze.

Amîda Kurd